Menu

Qeydiyyat Daxil ol
410 min nəfərin işsiz qalmasına səbəb ola bilər

410 min nəfərin işsiz qalmasına səbəb ola bilər

693 16 01 2020

Elektrikli avtomobilə keçid Almaniyada  410 min nəfərin işsiz qalmasına səbəb ola bilər.

Almaniya hökumətinin Milli Avtomobil Platforması (NPM) tərəfindən aparılmış bir araşdırmaya görə, Almaniyanın daxili yanma mühərrikli avtomobillərdən imtina edib elektrikli avtomobillərə (elektromobil) keçməsi baha başa gələcək.

2030-cu ilə qədər ölkənin elektrikli nəqliyyata keçməsilə 410 min nəfərin işsiz qalması gözlənilir.

İş yerlərinin bağlanmasının səbəbləri "elektrik mühərriklərin benzinlə çalışan mühərriklər ilə müqayisədə daha az ehtiyat hissəsinə malik olması və istehsalında daha az işçiyə ehtiyac olmasıdır".  

Daxili yanma mühərrikə ən azı 1200 ehtiyat hissəsi montaj edilir, elektrik mühərriki isə təxminən 200 ədəd ehtiyat hissəsindən istifadə edilməklə istehsal olunur. 

Almaniyanın avtomobil sektoru cəmi əlavə dəyərin 5%-ini yaradır. Ölkədə məşğulluğun 3%-i də avtomobil sektoru tərəfindən təmin edilir.