Menu

Qeydiyyat Daxil ol
ABŞ-da 1981-ci ilin Lada Niva ofrouderi satılır

ABŞ-da 1981-ci ilin Lada Niva ofrouderi satılır

780 02 05 2020

ABŞ-da fəaliyyət göstərən məşhur Copart həırracında 1981-ci ilin istehsalı olan tüninq edilmiş Lada Niva 4x4 ofrouderi satışa çıxarılıb. Odometrində 10.958 kilometr göstərici olan ofrouder əla vəziyyətdədir. Hal-hazırda, "Niva"-nın qiyməti 4550 dollara çatıb.

Hərracın dərc etdiyi şəkillərdən göründüyü kimi, 39 yaşlı Nivanın kuzovu yaşına görə yaxşı qorunub-saxlanılıb: kuzovun üzərində batıq və pas yoxdur. Avtomobil hündürləşdirilmiş asqı və iri yolsuzluq şinləri ilə təchiz edilib. Bundan əlavə, "Niva" nın ön bamperdə bucurq, qanadlarda isə qara plastikdən örtmələr quraşdırılıb. Ofrouderin salonunda inkişaf etdirilmiş yan dəstəyi olan dəri oturacaqlar da quraşdırılıb.

Lada Niva 4x4 modelinin kapotunun altında 83 at qüvvəsi və 126 Nm fırlanma anı hasil edən 1,6-litrlik benzin mühərriki yerləşir. Mühərrik 4-pilləli mexaniki ötürmələr qutusu və daimi tam ötürmə ilə bilrlikdə çalışır.

Hazırda Lada 4x4 modeli Şimali Amerikaya göndərilmir. Bu avtomobil isə, 1980-ci illərdə Kanadaya ixrac edilmişdir.