Bir çox sürücü avtomobil akkumulyatorunun şişməsinin şahidi olub. Əksəriyyət belə fikirdədir ki, şişmə akkumulyatorun keyfiyyətsizliyini göstərir. Bu fikir nə dərəcədə doğrudur?
İstehsalın son mərhələsində akkumulyatorlarda intensiv doldurulma aparılır. Burada yeganə məqsəd istismar parametrlərini artırmaqdır. Bu zaman batareyada daxili təzyiq və temperatur yüksəldiyi üçün genişlənmə baş verir. Bu, normal texniki prosesdir və batareya 6 millimetrədək genişlənə və ya sıxıla bilər. Belə hallarda narahatlıq keçirməyə dəyməz. Əgər genişlənmə çox böyük ölçüdədirsə, o zaman mütləq servisə müraciət edilməlidir.
