Azərbaycanda son illərdə ABŞ istehsalı olan maşınlara maraq artıb. Marağın bir səbəbi də maşın alverçilərinin bu texnikanın 93 oktan benzinlə işlədiyini iddia etməsidir. Bəs bu iddia nə dərəcədə doğrudur?

Avtosfer.az-ın xəbərinə görə, ABŞ-da ölçü və çəki spesifikdir.  Azərbaycandan fərqli olaraq ABŞ-da metrik sistem geniş tətbiq edilmir.  Bu səbəbdən onların benzin standartları da fərqlidir. Lakin fizikada hər bir kəmiyyəti digər ölçü sisteminə konvertasiya etmək mümkündür. 
Burada kimya ilə bağlı uzun-uzadı danışmaq olar, lakin uzunçuluğa ehtiyac yoxdur. Konkret olaraq ABŞ benzin markalarının bizim sistemə necə uyğun gəldiyini demək daha doğru olar. 
ABŞ-da 87 oktanlı benzin “Regular” (adi), 89 oktan “Special” (xüsusi), 93 oktan isə Super (Super) adlanır.  Onların bizim yanacaqla ekvivalentliyinə gəldikdə isə ABŞ-dakı 87, 89 və 93 oktanlı benzin bizdə müvafiq olaraq  92, 95 və 98 oktana uyğun gəlir.
Bir sözlə, istismat təlimatında və ya yanacaq çəninin üstündə 93 oktan yazılıbsa, deməli avtomobilə 98 oktan benzin tökülməlidir.  o ki qaldı bizim 92 oktan benzinə, 2000-ci ildən etibarən böyük avtomobil istehsalçıları bu oktanlı yanacaqla işləyən mühıərrik istehsal etmirlər.