Menu

Qeydiyyat Daxil ol
Bakıda yeni yol nişanı

Bakıda yeni yol nişanı

1415 31 08 2018

Paytaxt Bakıda son zamanlar yol süpürən qadınların avtomobillər tərəfindən vurulması yeni yol nişanlarının yaranmasına səbəb olub.

Bu gün səhər saatlarından Heydər Əliyev prospektinin təmizlik aparılan hissələrinə bu nişanlar qoyulub. 

Yeni nişanlarda küçə süpürən şəxsin fotosu verilib və altından “Diqqət!” yazılıb. Həmçinin, bu yol nişanı təkərlər üzərində yerləşdirilib. Onu istənilən yerə aparmaq mümkündür.

Qeyd edək ki, bu nişanlar Bakı Şəhər İcra Hakimiyyəti tərəfindən yol süpürən şəxslərin təhlükəsizliyinin təmin olunması istiqamətində hazırlanmış kompleks tədbirlər çərçivəsində istehsal olunub. Nişanlar rayon Mənzil Kommunal Təsərrüfatı Birliklərinə paylanıb. Həmçinin Almaniyanın MAN şırkətinin istehsalı olan 10-a yaxın texnika Bakıya gətirilərək təsərrüfatçılara verilib.