Avtomobil istehsalçısının yaydığı bəyanatda deyilir ki, Avropa Komissiyası "BMW"ni 1 milyard avro cərimələyib.

Bəyanatda bildirilir: "İddialar haqqında müraciətə baxılmasından sonra "BMW" təxminən 1 milyard avrodan çox olacaq qiymətləndirmə öhdəliyini qəbul edir".

Qeyd edək ki, Avropa Komissiyası "BMW", "Daimler" və "Volkswagen" şirkətlərini özünün ilkin rəyi haqqında məlumatlandırıb. Avropa Komissiyasının ilkn rəyinə əsasən, şirkətlər ötən 8 il ərzində əlbir olaraq Avropa İttifaqının antiinhisar qaydalarını pozublar və onların hərəkətləri nəticəsində alıcılar ətraf mühiti daha az çirkləndirən avtomobil almaq imkanından məhrum olublar. Cərimənin ödənilməsinin “BMW” şirkətinin birinci rübdəki maliyyə göstəricilərinə mənfi təsir edəcəyi bildirilir.