Menu

Usta qeydiyyatı Daxil ol
Cadillac V-Blackwing seriyasından olan sedanları mexaniki transmissiya ilə təchiz edəcək

Cadillac V-Blackwing seriyasından olan sedanları mexaniki transmissiya ilə təchiz edəcək

175 02 May 2020

Mexaniki sürət qutuları ilə təchiz edilən avtomobillərin sayı getdikcə azalmaqdadır. Hal-hazırda üçpedallı avtomobillərə ən çox üstünlük verənlər Avropanın iri meqapolislərində yaşayan inşanlardlr. Yanacağın və dayanacaq yerlərinin baha qiyməti bir çoxlarını mexaniki ötürmələr qutusu ilə təchiz edilmiş yığcam avtomobillərə diqqət yetirməyə məcbur edir.

Lakin, "Köhnə dünyadan" fərqli olaraq, digər qitələrdə yaşayan insanlar avtomatik qutulara daha çox üstünlük verirlər. Misal üçün uzağa getmək lazım deyil - elə götürək Azərbaycanı.

Avtomobil istehsalçıları artan tələbatı nəzərə alaraq avtomatik transmissiyaları təkmilləşdirməyə davam edirlər. Artqı bir çox "avtomatlar" mexaniki qutulardan belə yaxşı qənaətcillik göstəricilərə malikdirlər. Buna baxmayaraq, Cadillac şirkəti heç də mexaniki qutudan imtina etmək niyyətidndə deyil.  Özü də söhbət "V" seriyasından olan "bərkgedən" avtomobillərdən gedir.

"Blackwing adı mühəndis ustalığının və qabaqcıl texnologiyalarnın simvoludur, - Cadillac şirkıətinin icraçı direktoru Brandon Vivian bildirib. - Yeni CT4-V Blackwing və CT5-V Blackwing modelləri emosional avtomobillərin yaradılması zamanı əldə olunmuş zəngin təcrübəyə əsaslanır və idarəetmə həzzini daha yüksək səviyyəyə qaldırır."

Top menecerin sözləri avtomobillərin texniki hissənin təkmilləşdiriləcəyindən xəbər verir. Beləliklə, V-Series Blackwing xəttindəki bütün "trek" avtomobilləri şassi, elektron sistemlərin və mühərrikin xüsusi tənizmləmələrinə, həmçinin mexaniki ötürmələr qutusuna əldə edəcəkdirlər.

Hazırda Cadillac markasının təqdim etdiyi "qaynar" CT4-V və CT5-V modelləri də V-Blackwing xəttinə aid ediləcəkdirlər. Cadillac CT6-V sedanından tanış olan 4.2-litrlik V8 Blackwing mühərrikinin şərəfinə adlandıracaq V-Blackwing seriyasından olan CT4-V Blackwing və CT5-V Blackwing modelləri isə, V8 mühərriki ilə deyil, müvafiq olaraq 324 at qüvvəli 2,7-litrlik "turbodördlük" və 360 at qüvvəli 3,0-litrlik V6 biturbo mühərriki ilə təchiz ediləcəkdirlər.

Xatırladaq ki, Cadillac CT6-V modelinin 4,2-litrlik benzin mühərriki iki qanadçığı olan turbokompressor cütlüyü, elektron idarəetməsi olan öncədən buraxılış klapanı, iki interkuler, silindrlərin söndürülməsi və elektronasoslu yağlama sistemi ilə təchiz edilir. Mühərrik 557 at qüvvəsi və 850 Nm fırlanma anı hasil edir. Güc aqreqatı 10-pilləli avtomatik ötürmələr qutusu və tam çəkiş sistemi ilə tandemdə çalışır.