Texniki baxışdan keçə biləcəyiniz hər yanğınsöndürən çətin məqamda niyə köməkçiniz olmur?

Yanğınsöndürən istənilən avtomobildə mütləq olmalıdır. Lakin onların hamısı yanğının söndürülməsinə kömək edə bilmir. Problemə düşməmək üçün bu cihazı necə seçmək lazım olduğundan, yanğın vəziyyətində isə alovu söndürməyin yollarından danışacağıq.

Bir sürücünün söylədiklərindən:

Bir dəfə avtomobil yürüşündə iştirak edəndə mənə təcrübəli bir şturman məsləhət verdi. O dedi, bilirsiniz, avtomobildə yanğın baş verərsə nə etmək lazımdır? Sənədləri götürməlisiniz və qaçmalısınız, çünki yanğınsöndürən tapanacan avtomobil artıq yanacaq.

Əksər hallarda yuxarıdakı qayda qüvvədədir. Çünki avtomobilin yanğınını söndürmək çox çətindir - bir neçə saniyə ərzində yanır. Həm də alova qarşı mübarizə "silahı" düzgün seçildiyi təqdirdə bunu etmək olar.

Təəssüf ki, hələ də bir çox sürücü yanğınsöndürəni avtomobildə əlavə yer tutan bir şey hesab edir. Ona görə də ucuz aerozol balonları alırlar. Dərhal deyək ki, onlardan heç bir fayda yoxdur. Buna görə bir tozlu yanğınsöndürən seçin.

O nəzərəçarpacaq dərəcədə təsirli olur, ancaq tərkibindəki tozun kütləsi cəmi 2 kq-dırsa, ciddi bir yanğın olarsa, onu məğlub etmək olmaz. Texniki baxışda məhz belə balon təqdim edilməlidir. Azərbaycanda ideal olaraq 1 kiloluq balon lazımdır. Onunla alovu söndürmək şansları ciddi şəkildə artır. Düzdür, daha çox yer tutacaq.

Bir çoxları 1 litrlik iki yanğınsöndürən almağın daha asan olmasını iddia edirdi. Xeyr, çünki yanğın baş verərsə hər saniyə qiymətlidir. Birincisini işlədib ikincinin dalınca qaçanacan alov yenidən alovlanacaq və avtomobil yanacaq.

Bir məsləhət: yanğınsöndürən balon almazdan əvvəl onu ayaqları üstə qoyun və baxın görün "axsamırki". Əgər hə, onda bu korpusun həddən artıq nazik olduğunu göstərir, demək ki, təzyiqdən şişir, dibi isə sferik olur. Belə bir yanğınsöndürmə vasitəsini almamaq daha yaxşıdır.

Sonra yanğınsöndürəni çəkin. Normal balon tətik qurğusu ilə birgə ən azı 2,5 kiloqram ağırlığa malikdir. Əgər çəki azdırsa, balon içərisində tələb olunan toz 2 kiloqram ola bilməz.

Nəhayət, rezin borusu bir cihaz alırsızsa, borunun tətik mexanizminə bağlandığı plastik qola baxın. Onun dövrələrinin sayını qiymətləndirmək lazımdır. Əgər onlar iki və ya üçdürsə, onda bunu almaqdan imtina etmək daha yaxşıdır: yanğın söndürülən zaman belə bir boru sadəcə təzyiqdən qopacaq.
(avtosfer)