Menu

Qeydiyyat Daxil ol
Fisker şirkəti Ocean krossoverini Force E dəsti ilə təchiz edəcək

Fisker şirkəti Ocean krossoverini Force E dəsti ilə təchiz edəcək

428 29 04 2020

Fisker şirkətinin rəhbəri Henrik Fisker Ocean krossoveri üçün hazırlanmış opsional dəst haqqında yeni məlumatla paylaşıb. Opsional avadanlıqlar şəhər elektromobilini xilasedicilər və hərbçilər üçün ağır yolsuzluq şəraitində istifadə etmək üçün ofrouderə çevirir. Dəstin maraqlı xüsusiyyətlərindən biri kapotdakı yuvada saxlanılan tam ölçülü ehtiyat təkərdir.

Yeni opsional dəst Force E adlanır. Hələlik avtomobil yalnız 3D-modeli şəklində mövcuddur və şirkət işlək prototipi 2021-ci ildə göstərmək niyyətindədir. Krossoverin avadanlıqlar siyahısına, ehtiyat təkərindən başqa, yolsuzluq şinləri, damdakı əlavə işıqlandırma qurğusu, ekspedisiya baqaj daşıyıcısı və su üçün qab daxildir. Ocean Force E modelinin standart modeldən digər fərqləri altlıığın müdafiəsi və daha iri təkər tağlarıdır. Force E dəstini yalnız 300 at qüvvəli tam ötürməli Ocean modeli üçün nəzərdə tutulub.

İstehsalına bu ilin sonunda başlayanaq Fisker Ocean modeli, yanvar ayında Las Veqasda nümayiş etdirilib və satış qiymətləri açıqlanıb. Sürücü üçün karaoke, damda quraşdırılan günəş paneli və "kabriolet rejim" kimi qeyri-adi funksiyalar ilə təchiz edilmiş elektrkarın tam ötürməli versiyası üçün ən azı 37.5 min dollar ödəmək gərəkdir. Avtomobilin top variantının dəyəri hələ də açıqlanmayıb. Müqayisə üçün, Tesla Model Y modelinin qiyməti 47 min dollardan başlayır.

Bundan başqa, Fisker Ocean "kağız üzərində" Tesla Model Y krossoverindən daha sürətlidir: krossover 100 km/saat həddinə 2,9 saniyəyə sürətlənir. Model Y krossoveri isə bu işə 3,7 saniyə sərf edir.