Menu

Qeydiyyat Daxil ol
Həyat qurtarmaq əvəzinə ölüm saçan hava yastıqları - Azərbaycanda geniş miqyaslı geri çağrılma gözlə

Həyat qurtarmaq əvəzinə ölüm saçan hava yastıqları - Azərbaycanda geniş miqyaslı geri çağrılma gözlə

51 11 11 2020

Livanın paytaxtı Beyrut şəhərində 2750 ton amonium nitrat maddəsinin partlaması Takata markalı hava yastıqlarının təhlükə saçdığını gündəmə gətirdi. Çünki son dərəcə partlayıcı bir kimyəvi maddə olan ammonium nitrat qəza halında şişib kiçik bir partlayış yaratmaq üçün Takata markalı hava yastıqlarında hərəkətverici qüvvə olaraq istifadə olunur.

Audi, BMW, Honda, Daimler Vans, Fiat Chrysler, Ferrari, Ford, General Motors, Mazda, Mitsubishi, Nissan, Subaru, Toyota və Volkswagen kimi markalara məxsus avtomobillərdə quraşdırılan bu hava yastıqları Azərbaycan üçün nə dərəcədə təhlükəlidir? Belə avtomobillər ölkəmizdə varmı? Varsa geri çağrılma olacaqmı? TED.az olaraq mövzu ilə bağlı kiçik araşdırma aparmaq qərarına gəldik.

Volkswagen Bakı mərkəzindən bildirildi ki, Azərbaycanda olan avtomobillə bu yastıqların quraşdırıldığı modellərdən deyil.

Subaru şirkətindən isə hazırda çağrılma olduğunu və bütün avtomobillərdə bu hissənin dəyişdiriləcəyi deyildi.

Audi Bakı mərkəzində isə belə bir səbəblə hazırda heç bir geri çağrılma yoxdur.

Mövzu ilə bağlı redaksiyamıza danışan nəqliyyat üzrə ekspert Şahin Göyləroğlunun sözlərinə görə, Azərbaycanda demək olar ki, geri çağrılmalar olmur. "Çünki distribütorların əksəriyyəti birbaşa rəsmi təmsilçi deyil. Hansısa regional mərkəzə tabedirlər. Ona görə də yalnız regional mərkəz təkid göstərdiyi halda geri çağrılmalar ola bilir".

Eyni zamanda alternativ təklif etmələr vacibdir. Yəni təhlükə səviyyəsi hesablanaraq alternativ ehtiyyat hissəsi göndərilib quraşdırılmalıdır:

"Amma çox zaman alıcı razı olmur ki, avtomobili sökərək yeni hava yastığı quraşdırsınlar.

Çünki hava yastıqları salonun tam ortasında, arxa oturacağın və yaxud şitin üzərində, həmçinin qapılarda yerləşir ki, o hissələrin sökülməsinin özü də fəsada səbəb ola bilər. Kim zəmanət verə bilər ki bu dəyişilmə avtomobilə zərər verməyəcək".

Şahin Göyləroğlu onu da qeyd etdi ki, Azərbaycanda hazırda bəlkə də 80 faiz avtomobildə hava yastıqları çıxarılıb.

Azərbaycan kimi ölkələrdə hava yastığı, məncə, o qədər də önəm daşımır ki, insanlar onu dəyişdirməkdə maraqlı olsunlar.

"Yol hərəkətinin təhlükəsizliyi haqqında yeni qanuna əsasən, şərt qoyulub ki, avtomobillərdə hava yastığı və ABC təchizat vacibdir. Hazırda maşınların 70 %-i sovet istehsalı olduğu üçün onlarda hava yastığı yoxdur".

Ekspertin sözlərinə görə, bir məqam da yüksək sürətlə bağlıdır: "ABŞ, Yaponiya və Avropa ölkələri ilə müqayisədə bizdə sürət həddi aşağıdır. Almaniya avtobanlarında ümumiyyətlə sürət limiti yoxdur. Hava yastığının açılma məqsədi odur ki, orada sürət limiti yoxdur".

Amonium nitrat tərkibli hava yastıqları ilə bağlı narahat olan sürücülərə ekspert Şahin Göyləroğlu ilk növbədə rəsmi distribütora müraciət etməli olduğunu bildirdi: "Mənim avtomobilim həmin siyahıdadırmı? Elədirsə, geri çağrılacaqmı deyə bildirməlidir. Çünki yalnız müəyyən bir seriyada bu hava yastıqlarından istifadə olunub. Məsələn, Amerika bazarında olan istehsal bizim ölkəyə gəlmir. Öz regionumuza məxsus avtomobillər ölkəyə gətirilir".


✔️ Telegram kanalımıza üzv ola bilərsiniz.
https://t.me/avtotemir