Avtomobil sənayesində təsirli olmağa çalışan İran yerli məhsulların istehsalında əhəmiyyətli addımlar atır.

Daha əvvəl "Citroen" və "Peugeot" markalı avtomobillərdən nümunə götürərək yerli avtomobillər istehsal edən iranlı mühəndislər ənənəni davam etdiriblər.

Bu dəfə isə artıq istehsal olunmayan "Lamborghini Murcielago" ilə eyni dizaynda avtomobil hazırlanıb. Belə ki, avtomobilin bütün hissələri, həssas mexaniki və mühərrik hissələri "Lamborghini Murcielago"nun orijinalına uyğun olaraq istehsal edilib.

İranın yeni avtomobili haqqında xəbər həm dünya KİV-ində, həm də sosial şəbəkələrdə birmənalı qarşılanmayıb. Cənub qonşumuzun yeni "ixtirası" gülüş hədəfinə çevrilib.