Menu

Qeydiyyat Daxil ol
Lamborghini Pebbl-Biçə iki xüsusi superkar gətirib

Lamborghini Pebbl-Biçə iki xüsusi superkar gətirib

28 30 Avqust 2019

Lamborghini şirkəti Pebbl-Biçdə keçirilən Zəriflik müsabiqəsində xüsusi seriyadan olan iki superkarı nümayiş etdirib. Lamborghini Aventador SVJ 63 Edition modeli 63 nüsxəlik tirajla, Lamborghini Huracan Evo GT isə 36 nüsxəlik tirajla buraxılacaqdır. Hər iki xüsusi superkar Şimali Amerikada satılacaqdır.

Xüsusi seriyadan olan superkarlar yalnız xarici dekoru və fərdiləşdirmə imkanları ilə seçiləcəkdirlər. Məsələn, Lamborghini Aventador SVJ 63 Edition səkkiz kuzov rənginin və salonun tərtibat materiallarının unikal birləşməsinə sahib olacaqdır. Bu variantlar müştərini qane etməzsə, dizaynerlər komandası tərtibat üçün istənilən materialları və rəng birləşməsini seçməyə hazırdırlar. 

Lamborghini Aventador SVJ 63 Edition Roadster modelini «adi» Aventador  SVJ rodsterindən 63 nömrəsi olan ikirəngli livreya, avtomobilin seriyadakı sıra sayını bildirən lövhəciyi, ön oturacaqların arxasındakı dizayner işləməsi, mühərrik qapağının üzərindəki naxış və başqa cizgilər sayəsində ayırd etmək olar.

Lamborghini Huracan Evo GT isə son iki ildə Amerikada keçirilən dözümlülük yarışları olan «Daytonanın 24 saatı» və «Sebrinqin 12 saatı» yarışlarında qalib gələn Huracan GT3 Evo yarış avtomobilinə olan ehtiramın  əmalətidir. Məhdud saylı Huracan Evo GT modelinin rəng sxemi bu yarışlarda qələbə çalmış GRT Grasser Racing Team kollektivinin firma rənglərindədir. Yaşıl Verde Egeria və narıncı Arancio Aten rəngindən başqa müştərilərə digər üç rəng sxemi təklif edilir. Beləliklə, sifarişçilər doqquz rəng birləşməsindən seçim etmək şanslarına malikdirlər.

Orijinal rəng çeşidi ilə yanaşı, Huracan Evo GT modellərini arxa qanaddakı «Daytona 24» və «Sebring 12»  identifikasiya lövhəcikləri, qapı və kapotdakı «11» nömrəsi, həmçinin mərkəzi kilidi olan 20-düymlük təkər diskləri sayəsində ayırd etmək olar. 

Lamborghini xüsusi seriyadan olan superkarların ьцюеэкшдэкэ çatdırılmasını 2020-ci ildə həyata keçirəcəyinə söz verib. Qiymətlər elan edilməsə də, bu hal şirkətə 63 seriyasından olan rodsterlərin bütün nüsxələrini satmağa mane olmayıb.