Menu

Qeydiyyat Daxil ol
Lüks brend hesab olunan şirkət dünyanın hər yerindən 360 min avtomobili geri çağırır

Lüks brend hesab olunan şirkət dünyanın hər yerindən 360 min avtomobili geri çağırır

884 11 04 2019

"Honda" şirkətinin lüks brendi olan "Acura" dünyanın hər yerindən özünün 360 min avtomobilinin geri çağırılması barədə elan verib.

Şirkət avtomobillərin geri çağırılmasının fənərlərdəki qüsurla bağlı olduğunu təsdiqləyir. Bu qüsur nəticəsində su keyfiyyətsiz bərkimə vasitəsilə arxa fənərlərə keçərək elektriklə bağlı problem yarada bilər. Geri çağırılma əsasən 2014-2019-cu illərdə ABŞ-da istehsal edilmiş "MDX" markalarına aiddir. Şirkətin nümayəndələri, həmçinin bəyan ediblər ki, "Acura" göstərilən qüsurla bağlı qəza və zədələr haqqında heç bir məlumat almayıb.

Qeyd olunur ki, avtomobillərin geri çağırılması zamanı "Acura"nın rəsmi dilerləri qüsuru aradan götürəcək, zərurət yaranacağı təqdirdə yenisi quraşdırılacaq. Bu avtomobillərin qeydiyyatdan keçmiş sahibləri gələn ayın əvvəlində avtomobillərin geri çağırılması barədə rəsmi fərdi bildiriş alacaqlar.