Nissan sürücülərə yeni bir elektrikli avtomobil təcrübəsi təqdim edəcəyini vəd edən yeni nəsil elektrikli Ariya avtomobilini təqdim etdi. Şirkətin yeni SUV-u Tesla Model Y-in rəqiblərindən biri olacaq.

Yeni Nissan Ariya dörd fərqli versiya ilə sürücülərin qarşısına çıxacaq. Ən üst versiyada maksimum məsafə bir şarjla 480 kilometr olacaq. Giriş səviyyədə hazırlanan modeldə yürüş məsafəsi 360 kilometrə endiriləcəkdir.

Ariya-nın giriş səviyyəli versiyasında öndən çəkiş təmin edən 218 at gücündə bir elektrik mühərriki olsa da, üst versiyada isə cəmi 394 at qüvvəsi istehsal edən ikiqat elektrik mühərrikini görürük.

Yapon avtomobil istehsalçısı yeni nəsil elektrikli SUV-u 2021-ci ilin ortalarında təqdim edəcək. Nissan Ariya'nın giriş səviyyəli variantının başlanğıc qiyməti 40 min dollar olaraq açıqlandı.