Nissan şirkəti yaxın bir neçə ay ərzində Juke krossoverinin növbəti nəslini təqdim etməyə hazırlaşır. Yeni model dizayn cəhətdən ümumi konsepsiyanı qoruyub-saxlasa da, cari modelin təkamülü olmayacaqdır.

“Yeni Juke heç də sələfinə bənzəməyəcəkdir, - Autocar nəşrinə müsahibəsində yapon markasının şef-dizayneri Alfonso Albais bildirib. – Eyni zamanda, o nə Imx konseptinə, nə də ki Leaf modelinə oxşamayacaqdır. Yeni Nissan Juke xüsusi xarakterə malik olan “şəhər meteoru” olacaqdır”.

İlkin məlumatlara görə, Nissan Juke modelinin yeni nəslinin əsasını Renault Clio və Nissan Micra modelləri üçün istifadə olunan platformanın uzadılmış versiyası təşkil edəcəkdir. Modelin mühərrik çeşidinə 900 kubluq üç silindrli mühərrik və 1,2-litrlik dörd silindrli benzin aqreqatı daxil ediləcəkdir.