Bu qeyri-adi hadisə yerli Pasxa bayramında Polşanın Lodz şəhərində baş verib. Hadisə, 71 nömrəli milli magistral yolun dairəvi hərəkət olan kəsişməsində baş verib. Hələlik bilinməyən səbəblərə görə, sürücü maneənin olmasını nəzərə almayıb və mərkəzi dairənin içərisində yerləşən çiçək ləkinin hasarları dərhal tramplinə çevrilib.

Swift heçtbekinin uçuş traektoriyasının ən yüksək nöqtədəki hündürlüyü, bəzi hesablamalara görə, yeddi metrə çatıb. Yerli mətbuatın bildirdiyinə görə, möhtəşəm uçuşdan sonra, avtomobili enmə meydançası olaraq, yol kəsişmənin yaxınlığında yerləşən kilsənin hasarını seçib.

Yerli polis tərəfindən yayımlanan şəkillərdən də göründüyü kimi, avtomobil bərpa edilə bilməz hala gəlib. Qəzanın fəsadları o qədər ciddi olub ki, xilasedicilər "pilotu" çıxarmaq üçün avtomobili kəsməli olublar. Ancaq 41 yaşlı sürücü ağır yaralanmasına baxmayaraq sağ qalıb və dərhal xəstəxanaya göndərilib.

Çox güman ki, sağaldıqdan sonra qəza müəllifini problemlər gözləyir: polis sürücüdən gələn spirt qoxusunun olduğunu müəyyən edib. Böyük ehtimalla, xəstəxanada "pilotdan" alınmış qan analizi məsələyə aydınlıq gətirəcəkdir. Polisdən isə, - "Boş olan yollar sizi qaydalara riayət etməkdən azad etmir", - xəbərdarlığı gəlib.