“Porsche” şirkəti uzun müddətdir “Mission E” konsepti üzərində işləyir.

Elektriklə çalışan avtomobil yerindən 100 km/saat sürəti cəmi 3 saniyəyə əldə edir.

Şirkət modeli bazara “TAYCAN” adı ilə çıxaracağını bildirib. “Mission E” modeli ilk dəfə 2015-ci ildə Beynəlxalq Frankfurt Avtomobil Sərgisində təqdim edilib.

Əldə edilən məlumata görə, mühərrik 600 at gücündədir. 200 km/saat sürəti isə 12 saniyəyə əldə edir. Maksimal sürəti 250 km/saatdır. 800 voltluq xüsusi enerji doldurma sistemi ilə 20 dəqiqəyə 80% enerjisini doldura bilər. Bu enerji ilə 500 km məsafə qət edə bilər.
İdman üslublu olsa da, 4 qapılıdır. İlk model 2019-cu ildə satışa çıxacaq.