"Qış aylarında sürücülər nasaz avtomobillə uzun yola çıxmamalıdır"
Qışda avtomobillərin xüsusi qulluğa ehtiyacı olur. Təkər dişlərinin dərinliklərinə və təkər havasına, şüşə suyu və pəncərə silənlərə, işıqlandırma lampalarına nəzarət qışda sizi təhlükələrdən qorumaqla yanaşı, avtomobildə də bir sıra problemlərin yaranmasının qarşısını alır.
Mühərrikli vasitələr üçün bütün baxışlarda ilk şərt mühərrik yağının dəyişdirilməsidir: "Bu yağ mühərrikin detallarının daha yaxşı çalışması üçün olan vasitədir. Yağ istifadə edildikcə azalır və keyfiyyəti dəyişir. Və vaxtaşırı dəyişdirilməsinə ehtiyac yaranır.
Bəzi sürücülər mühərriki hərəkətə gətirən kimi sürməyə başlayır: Bu da avtomobilin mühərrikində müəyyən problemlərin yaranmasına səbəb olur.
Bəzən sürücülər bilmədikləri üçün qışda donan şüşəyə isti su tökürlər: Bu, qətiyyən olmaz. Çünki şüşə anında parçalanmasa belə, sonradan parçalana, çatlaya bilər. Şüşənin donunu açmaq üçün az-az adi su tökülməlidir. Şüşələr içəridən sabunlu su ilə silinməməlidir. Əks halda buxarlanmaya səbəb ola bilər.
Məsləhətdir ki, sərt qış başlamamışdan sürücülər avtomobillərini müayinə etdirsinlər. Qış aylarında avtomobilin daha çox qulluğa ehtiyacı olur. Buna görə də çalışın ki, avtomobili müayinədən keçirib problemlərini həll edəsiniz. Bunun üçün Optimal Servisin ustaları sizin xidmətinizdədir. Problemsiz avtomobil həm də təhlükəsiz həyat deməkdir. Qış aylarında nasaz avtomobillə əsla uzun yola çıxmaq olmaz.
Antifrizi ölçdürün. Radiator sistemindəki suyun donmaması üçün antifriz istifadə edilməlidir. Hava filtirlərinə baxdırın. Qışda hava filtirlərini təmizləmək, istifadə edilməyəcək vəziyyətdədirsə, dəyişdirmək lazımdır. Siləcəklərə baxdırın, sıradan çıxıbsa, dəyişdirin.
Təkərlərin xarici diş dərinliklərinə fikir verməyiniz tövsiyə olunur. Əslində qış aylarında bu dəliklər 3 mm olmalıdır. Əgər təkərlər yeyilibsə, yolda qalmamaq və ya hər hansı qəza yaşamamaq üçün mütləq qış təkərlərindən istifadə edin. Elektrik sistemini mütləq müayinə etdirin. Çünki qış aylarında soyuq hava avtomobilin elektrik sistemini tez sıradan çıxarır.
