"Tesla" şirkəti bu gündən etibarən Çində "Model 3" avtomobillərini ucuz qiymətə satacağını elan edib.

 "Model 3" avtomobillərinin qiyməti 433 min yuandan ( 64,300 dollar) başlayacaq.

Qeyd edək ki, sözügedən avtomobillərin satış qiyməti Çində 499 min yuan idi. Həmçinin şirkət Şanxayda ilkin mərhələdə "Model 3" avtomobillərini istehsal edəcək zavodun tikintisinə başlayıb. Şirkətin bir həftə ərzində 3000 "Model 3" istehsal edəcəyi bildirilir.

Avtomobillərin qiymətinin ucuz olmasına gəlincə isə, ABŞ şirkəti bunu çinli alıcıların büdcəsinə uyğunlaşdırmağa çalışdığını vurğulayıb.