ABŞ elektrikli avtomobil şirkəti Tesla, avtopilot sisteminin proqramını yeniləyib. Tesla modelləri indi yolda sürət nişanlarını oxuya bilər.
Tesla elektrikli avtomobilləri üçün avtopilot sistemi proqramının yeni versiyasını yaydı. 2020.36 yeniləməsi avtomobillərə bir sıra faydalı xüsusiyyətlər gətirir.
Tesla şirkətinin elektrikli avtomobilləri indiyə qədər naviqasiya məlumatları və mövcud yol xəritələri əsasında sürət həddi barədə sürücülərə məlumat verirdi. Yeni yeniləmə ilə Tesla avtomobilləri artıq yol boyu görünən sürət həddi nişanlarını oxumaq və sürücülərə ən uyğun sürət həddi haqqında məlumat vermək üçün quraşdırılmış kameralardan istifadə edəcəklər.
Bundan əlavə, yeniləmə ilə yaşıl işıq xəbərdarlıq xüsusiyyəti də aktivləşdirildi. İndi sürücülər, önlərindəki işıqforlar yaşıl olduqda, Tesla tərəfindən xəbərdar ediləcəkdir. Proqram yeniləməsinin tədricən bütün Tesla sahibləri tərəfindən istifadəyə veriləcəyini də qeyd etmək lazımdır. Tesla, bu ilin ikinci rübündə Model 3 sedan və Model S-dən 80.050 və daha bahalı olan Model X-dən 10.600 sataraq analitiklərin təxminlərini üstələdi.
