Avtosfer.az xəbər verir ki, zavod bu modelin sentyabrdan etibarən istehsaldan çıxarılacağını qətiyyətlə təkzib edib. Bildirilib ki, ilin sonunadək bu modelin konveyerdən yığışdırılmasından söhbət gedə bilməz.

Cari ilin ilk yarısında Rusiyada 261 ədəd UAZ Hunter satılıb. Bu rəqəm dünyanın ən böyük ərazisinə malik ölkə üçün əlbəttə azdır. Lakin zavodun əsas müştərisi ordu və dövlət qurumları olduğu üçün satışın azlığı rəhbərliyi çox da narahat etmir. Güc strukturlarının sifarişlərinə görə zavod dövlətlə işləməyə üstünlük verir.