Menu

Qeydiyyat Daxil ol
Yaşıl BMW - Təqdim olundu

Yaşıl BMW - Təqdim olundu

893 07 01 2020

BMW şirkəti yaşıl-buqələmun Aurora Diamond Green rənginə boyanmış "bərkgedən" M8 Competition Gran Coupe modelinin məhdud saylı seriyasını buraxıldığı barədə bəyanat verib.

Səkkiz nüsxədə olan avtomobillər artıq istehsal olunub və ölkələr üzrə paylaşdırılıb. Bu barədə autograph yazıb. 

Xüsusi seriyadan olan avtomobillər Almaniya, Böyük Britaniya, Yaponiya, İsveçrə, Belçika, Qatar, ABŞ və Rusiyaya gedəcəklər. Xüsusi seriyanı hazırlayan dizaynerlər 2018-ci ildə Cenevrə avtosalonunda debüt edən M8 Gran Coupe konsept avtomobilindən ilham alıblar. Seriya M8 Competition Gran Coupe modeli konseptdən kuzovun işıqlandırmadan asılı olaraq yaşıldan boz-maviyə dəyişə biləcək qeyri-adi rəngini, həmçinin tarixi BMW yarış avtomobillərinə ihaf olunmuş fənərlərin sarı işıqlandırılmasını "miras" olaraq alıb.

Xüsusi seriyadan olan modellər orijinal bürünc rəngli dekora və xüsusi dəri ilə üzlənmiş oturacaqlara sahib olublar. Adi BMW M8 Gran Coupe First Edition modeli ilə arasındakı fərq dayaqlara, baqaj qapağına, ön oturacaqların başlıqlarına və kilimlərə vurulmuş “1 of 8”loqotiplərindən, həmçinin kandarlara vurulmuş BMW Inividual Manufaktur yazılarından ibarətdir. Texniki baxımdan, buqələmun rəngli sedanlar adi M8 Competition modellərindən fərqlənmirlər:  sedanlar 625 at  qüvvəsi və 750 Nm fırlanma anı hasil edən 4.4 litrlik V8 TwinTurbo mühərriki, 8-pilləli avtomatik ötürmələr qutusu və M xDrive tam ötürmə sistemi ilə təchiz edilirlər. M8 Competition Gran Coupe modeli 100 km/saata 3,2 saniyəyə sürətlənir və 305 km/saatlıq maksimal sürət həddinə malikdir.

Eksklyuziv BMW M8 Competition Gran Coupe modelinin ABŞ-dakı satış qiyməti təxminən 230 min dollar olacaqdır. Bu, eyni mühərrikə malik olan BMW M5 Competition modelinin qiymətindən iki dəfə bahadır. Beləliklə, xüsusi sedanlar ən bahalı BMW avtomobili sayıla bilərlər.