Menu

Qeydiyyat Daxil ol
Yeni LR Defender ilk tüninq dəstini əldə edib

Yeni LR Defender ilk tüninq dəstini əldə edib

452 07 07 2020

Pakistan əsilli britaniyalı Afzal Kanın yaradıcısı olduğu şirkətlər qrupu Land Rover avtomobillərinin radikal dizaynı ilə məşhurlaşıb. Azala məxsus olan Project Kahn və Chelsea Truck Company şirkətləri yeni nəsil Land Rover Defender modeli üçün hazırladıqları tüninq dəsti nümayiş etdiriblər. Bu işdə birinci olmaq üçün, mütəxəssislər hələlik "dərinə getmədən" yüngül təkmillədirmələr ilə kifayətlənmək qərarına gəliblər.

Ənənəyə uyğun olaraq, layihə gurultulu ada layiq görülüb - Land Rover Defender 110 Chelsea Truck Launch Edition. Gurultulu ada baxmayaraq, tüninq dəsti kuzovun qara rəngli dekorundan,tündləşdirilmiş şüşələrdən və 22-düymlük təkər disklərindən ibarətdir. Bununla birlikdə, Project Kahn nümayəndələri, ofrouderin salonunu müştərinin arzusu ilə, perforasiyalı və sırıqlı dəridən istifadə edərək, fərdiləşdirilmiş interyeri yaratmağa hazır olduqlarını söyləyiblər.

Chelsea Truck Company şirkəti tərəfindən hazırlanmış Defender modelinin (fotoşəkillərdə göstərilən avtomobil üçün) satış qiyməti 69,999 funt sterlinq təşkil edir. Yeri gəlmişkən, beşqapılı kuzovu, 200 at qüvvəli dizel mühərriki və tam ötürməsi ilə təchiz edilmiş standart təchizatlı Land Rover Defender 110 modelini Böyük Britaniyada 45,600 funt sterlinqə almaq olar.

Afzal Kanın rəhbərlik etdiyi şirkət əvvəlki Defender modelinin bazasında yaradılmış radikal layihələr ilə yadda qalıb: buna misal olaraq, 6-təkərli Flying Huntsman pikap ını göstərə bilərik. Lakin şirkət yeni ofrouderin xırda tüninqi ilə məhdudlaşmaq fikrində deyil - britaniyalılar daha ciddi təkmilləşdirmə variantlarının yaradılması üzərində çalışmalara başlayıblar.